Cefri Arçer vəfat etdi: Kraliçə Kamilla məşhur yazıçının xatirəsini yad eddi

Paranoyya.com saytı BBC-ə istinadən xəbər verir ki, Tanınmış yazıçı və keçmiş siyasətçi Cefri Arçer 86 yaşında vəfat edib. Kraliçə Kamilla bəstsatlar müəllifinin ölümü ilə bağlı başsağlığı verərək bildirib ki, az adam öz kitablarındakı qəhrəmanlar qədər zəngin, rəngarəng və gözlənilməz süjet xətləri ilə dolu bir ömür yaşaya bilər. Kraliçə qeyd edib ki, yazıçının qüsurları olsa da, dostları onu həyatın müxtəlif mərhələlərində tükənməz enerji mənbəyi kimi xatırlayacaqlar.

Arçerin naşiri olan HarperCollins şirkəti yazıçının bazar ertəsi günü, yazıçılıq fasilələri zamanı evində qəflətən və dinc şəkildə dünyasını dəyişdiyini açıqlayıb. Onun sonuncu romanı olan Adam və Həvva çərşənbə axşamı günü satışa çıxarılıb. Yazıçı həftə sonu Çeltnem Ədəbiyyat Festivalında iştirak etməli və ölümündən qısa müddət əvvəl Kraliçənin Oxu Zalının Festivalında çıxış etmişdi.

Yazıçılıq karyerası ərzində 300 milyondan çox kitab satan Arçer Klifton Xronikaları və Qeyn və Abel kimi əsərlərin müəllifidir. 1940-cı ildə Londonda anadan olan yazıçı 1969-cu ildə parlament üzvü seçilib və sonradan Konservativ Partiyanın sədr müavini vəzifəsini tutub. 1992-ci ildə Lordlar Palatasına keçən Arçer 2001-ci ildə Daily Star qəzetinə qarşı qaldırdığı böhtan iddiası zamanı yalan danışdığı və ədliyyənin işinə mane olduğu üçün dörd il müddətinə azadlıqdan məhrum edilib. 2003-cü ildə həbsdən çıxan yazıçı 2024-cü ilə qədər Lordlar Palatasında fəaliyyətini davam etdirib.

Kraliçə Kamilla Meriyə və ailəyə başsağlığı verərək, Cefri Arçerin ona və milyonlarla oxucuya bəxş etdiyi sevinfin onlar üçün təskinlik olacağına ümid etdiyini bildirib. Konservativ Partiyanın lideri Kemi Badenox, keçmiş baş nazir Con Meyjor və bir çox digər tanınmış simalar yazıçının ölümü ilə bağlı kədərləndiklərini ifadə ediblər, onun hekayə danışmaq istedadını və həyat enerjisini yüksək qiymətləndiriblər.

Ömrünün son günlərinə qədər yaradıcılıqla məşğul olan Arçer ötən həftə sonuncu kitabını təbliğ etmək üçün məzun olduğu məktəbə baş çəkmişdi. HarperCollins nəşriyyatı bildirib ki, yazıçı və həyat yoldaşı Meri bu il evliliklərinin 60 illik yubileyini qeyd ediblər. Cütlüyün iki oğlu və beş nəvəsi var.